စီမံကိန်း (Old facts)

ရည်ရွယ်ချက်များ (Visions of Organization)

1. ပရိယတ္တိပညာရေးအတွက် သင်ရိုးညွှန်းတမ်းအသစ် ရေးဆွဲရန်
2. ထိုသင်ရိုးညွှန်းတမ်းသစ်ကို နိုင်ငံတော်သံဃမဟာနာယကအဖွဲ့က ဦးဆောင်၍  တစ်နိုင်ငံလုံးအတွက် သင်ရိုးညွှန်းတမ်းမူသစ်အဖြစ် သတ်မှတ်ပေးနိုင်သည်အထိ ကြိုးပမ်းဆောင်ရွက်ရန် (လက်ရှိ ပါဠိပထမပြန်စာမေးပွဲစနစ်ကို မထိခိုက်စေဘဲ ပညာရေးစနစ်သစ်တစ်ခုအဖြစ် ဆန္ဒရှိသူများ ဝင်ရောက်ဖြေဆိုနိုင်ရေးအတွက် နိုင်ငံတော်သံဃမဟာနာယကအဖွဲ့၏ လမ်းညွှန်မှုဖြင့် ကျင်းပရန် ဖြစ်သည်။)
3. ပရိယတ္တိပညာရေးစနစ်သစ် ခိုင်မာစွာ အမြစ်တွယ်၍ စနစ်တကျ ဖွံ့ဖြိုးတိုးတက်ရေးအတွက် စဉ်ဆက်မပြတ် လေ့လာစောင့်ကြည့် သုတေသနပြုကာ ကူညီပံ့ပိုးရန်
4. ပရိယတ္တိစာသင်တိုက်များ စည်းစနစ်တကျ လည်ပတ်နိုင်ရေးအတွက် လေ့လာသုတေသနပြု၍ ကူညီပံ့ပိုးရန်

လုပ်ငန်းစဉ်များ (Missions)

1. သင်ရိုးစီမံအဖွဲ့က ဦးဆောင်၍ သင်ရိုးညွှန်းတမ်းအသစ် ရေးဆွဲရန်
2. သင်ရိုးညွှန်းတမ်း ၅၀ ရာခိုင်နှုန်းခန့် ပြီးစီးချိန်၌ အလုပ်အမှုဆောင်အဖွဲ့ ဖွဲ့စည်းရန်
3. အလုပ်အမှုဆောင်အဖွဲ့အနေဖြင့် ရေးဆွဲပြီး သင်ရိုးညွှန်းတမ်းကို နိုင်ငံတော်သံဃမဟာနာယကအဖွဲ့နှင့် သာသနာရေးဌာနတို့ကို ချဥ်းကပ်၍ လက်ရှိ ပါဠိပထမပြန်စာမေးပွဲစနစ်ကို မထိခိုက်စေဘဲ ပညာရေးစနစ်သစ်တစ်ခုအဖြစ် ဆန္ဒရှိသူများ ဝင်ရောက်ဖြေဆိုနိုင်ရေးအတွက် ကြိုးစားဆောင်ရွက်ရန်
4. ဆရာဖြစ်သင်တန်းများ ဦးစီးဖွင့်လှစ်ပေးရန်
5. ပညာရေးစနစ်သစ် ဖွံ့ဖြိုးတိုးတက်ရေးအတွက် စဉ်ဆက်မပြတ် လေ့လာစောင့်ကြည့် သုတေသနပြု၍  အားနည်းချက်၊ အားသာချက်တို့ကို ရှာဖွေကာ  သင်ရိုးညွှန်းတမ်းကို ပြင်ဆင်ခြင်း၊ ဖြည့်စွက်ခြင်း၊ မွမ်းမံခြင်းများ ဆောင်ရွက်ရန်  
6. ပညာရေးစနစ်သစ်ကို အကောင်အထည်ဖော်နေကြသော စာသင်တိုက်များ၏ အခက်အခဲနှင့် လိုအပ်ချက်များ သိရှိနိုင်ရေး၊ စာမေးပွဲများ စနစ်တကျ ကျင်းပနိုင်ရေး စသည်တို့အတွက် ရေးရာကော်မတီများ ဖွဲ့စည်း၍ အစီရင်ခံစာများ ရေးသားတင်ပြစေခြင်း

အသင်းဖွဲ့စည်းပုံ (Organisation Structure/ constitution) 

1. အလုပ်အမှုဆောင်အဖွဲ့
2. သင်ရိုးစီမံအဖွဲ့ (သင်ရိုးညွှန်းတမ်းရေးဆွဲရေးအတွက် အဓိကစီမံ တာဝန်ယူရမည့်အဖွဲ့)
3. သင်ရိုးအထောက်အကူပြုအဖွဲ့ (အချက်အလက်များ ရှာဖွေရေးနှင့် အကြံပေး ဆွေးနွေးရေး)
4. စာမေးပွဲဖြစ်မြောက်ရေးနှင့် စာစစ်လုပ်ငန်းအဖွဲ့
5. ဘဏ္ဍာငွေရှာဖွေရေးအဖွဲ့

• စစ်တမ်းကောက်ခြင်း
• ဆီမီနာများ၊ ဆွေးနွေးပွဲများ ဦးစီးကျင်းပခြင်း
• သင်ရိုးစီမံအဖွဲ့ကို အခါအားလျော်စွာ အကြံပြုခြင်း (သင်ရိုးစီမံအဖွဲ့ကလည်း သင်ရိုးအထောက်အကူပြုအဖွဲ့ထံမှ လိုအပ်သည့် အကြံဉာဏ်များကို တောင်းယူနိုင်သည်။)

မူဝါဒ (policy)

1. သင်ရိုးညွှန်းတမ်းအသစ် ရေးဆွဲရာ၌ နိုင်ငံတော်သံဃမဟာနာယကအဖွဲ့၏ ပရိယတ္တိပညာရေးဆိုင်ရာမူကြီးလေးချက်ကို ဦးထိပ်ထား၍ ဆောင်ရွက်ရန် 
2. အသိ (ဝိဇ္ဇာ) နှင့် အကျင့် (စရဏ) နှစ်ပါးလုံးနှင့်ပြည့်စုံသော ပြည်တွင်းပြည်ပသာသနာပြု သာသနာ့ဝန်ထမ်းကောင်းများ မွေးထုတ်ပေးနိုင်သည့် ပညာရေးစနစ် ဖော်ဆောင်ရန်
3. ပညာရေးစနစ်သစ်က သာသနာ့ဝန်ထမ်းများ လူထွက်ခဲ့လျှင်လည်း ဘဝအာမခံချက် ရရှိရေး မူဝါဒချမှတ် ဆောင်ရွက်ရန်

ဦးတည်ချက်များ (objectives)

1. အကျင့်ကောင်း၍ စာတတ်သော သာသနာ့ဝန်ထမ်းများ မွေးထုတ်နိုင်ရေး
2. ပိဋကတ်စာပေနှံ့စပ်ရေးနှင့် ကျွမ်းကျင်ရေး
3. ပဋိယတ်နှင့် ပဋိပတ် ယှည်တွဲကျင့်သုံးနိုင်ရေး
4. ထေရဝါဒ၏ အနှစ်သာရများကို ထိမ်းသိမ်းစောင့်ရှောက်ရေး
5. စာပေဖတ်ရှုနိုင်မှုစွမ်းရည် မြှင့်တင်နိုင်ရေး
6. တရားဟောပြောမှုနှင့် စာပေရေးသားမှုစွမ်းရည်များ တိုးတက်စေရေး
7. သာသနာ့ဝန်ထမ်းများ၏ ပြည်တွင်း၊ ပြည်ပသာသနာပြုစွမ်းရည်များ မြှင့်တင်နိုင်ရေး
8. အစိုးရပညာရေးစနစ်များနှင့် ဟန်ချက်ညီညီ ချိတ်ဆက်နိုင်သော ပညာရေးစနစ်ဖြစ်မြောက်ရေး (ရဟန်းဘဝ၊ သီလရှင်ဘဝကို မပျော်ပိုက်၍ လူထွက်ခဲ့သော် လူ့ဘဝအတွက် အသုံးချနိုင်သော ပညာရေးစနစ်ဖြစ်ရေး)

• အင်းဝခေတ်ကဲ့သို့ မြန်မာစာပေ တခေတ်ဆန်း၍ ဖွံ့ဖြိုးတိုးတက်စေရေး

နည်းလမ်း (Strategy)

1. သင်ရိုးညွှန်းတမ်း ၅၀ ရာခိုင်နှုန်း ပြီးစီးသည်အထိ သင်ရိုးစီမံအဖွဲ့က ဦးဆောင်၍ ဘာသာရပ်ဆိုင်ရာ ကျွမ်းကျင်ပညာရှင်များနှင့် သင်ရိုးညွှန်းတမ်းရေးဆွဲရေးပညာရှင်တို့၏ အကူအညီဖြင့် အကောင်းဆုံး သင်ရိုးညွှန်းတမ်းအသစ် ပေါ်ပေါက်လာရေးအတွက် ကြိုးစားဆောင်ရွက်ရန်
2. ဒုတိယဆင့်အနေဖြင့် အလုပ်အမှုဆောင်အဖွဲ့နှင့် သင်ရိုးစီမံအဖွဲ့တို့ ညှိနှိုင်းကာ သင်ရိုးညွှန်းတမ်းများ အပြီးသတ်ရေးဆွဲရေးနှင့် ပညာရေးစနစ်သစ် အကောင်အထည်ဖော်ရေး ကြိုးစားဆောင်ရွက်ရန်